بدكن شي من هون؟

إقترب فصل الصيف ومعه موسم السياحة، وإقتربت عودة المغتربين وعائلاتهم لتمضية عطلاتهم السنوية هنا، في ربوع جمهورية الحمص. في الغالب، وقبل أن يتوجه المغترب إلى المطار ليستقل طائرته للعودة إلى الوطن، يسأل الأهل عبر التلفون: “بدكن شي من هون؟”، فيأتي الجواب غالباً “لا… بس بدنا ياك توصل بالسلامة!”.

هذه ألسنة، قررنا أن نساعد أهل المغتربين عبر بعض الإقتراحات حول ما يستطيع أن يأتي به ابنائهم وبناتهم هذا الصيف إذا وجه لهم السؤال الشهير “بدكن شي من هون؟”، وهي على الشكل التالي:

سؤال: “بدكن شي من هون؟”
جواب: “إيه، بركي بتجيب معك شوية أخلاق من هونيك للعالم يلي ساكنة هون. وإذا بدي عذبك، جيب معك شوية حيا كمان.”

سؤال: “بدكن شي من هون؟”
جواب: “ليك، إذا بدك تعملك قرشين نظاف، جيب معك خرى. الطلب عليه هون نار! ما بشوف إلا عالم بتاكل خرى… أيا ذهب، أيا فضة… ما في إلا الخرى بيحكي بالبلد.”

سؤال: “بدكن شي من هون؟”
جواب: “لا، بس بركي بتاخدني معك بالرجعة وبتريحني!”

سؤال: “بدكن شي من هون؟”
جواب: “يعني، إذا ممكن تسأل عندك إذا في حدا بيعرف يركب حكومة، بكون ممنونك. وبركي كمان بتسأل إذا في حدا إلو جلد يشوف شو قصة ألدين العام، لأنه شكلو ما حدا فاضيلها هون.”

سؤال: “بدكن شي من هون؟”
جواب: “لا، بدي سلامتك… وبركي بلا مجيتك إذا جاي تفشخ علينا وعلى العالم!”

سؤال: “بدكن شي من هون؟”
جواب: “لا، في كل شي هون… سرقة، تخويف، تهشيل، أكل هوى، تنمير، تسكع، تذاكي، وسايط، هبل… الحمدلله، ما ناقصنا شي.”

سؤال: “بدكن شي من هون؟”
جواب: “إذا ممكن شي تنكتين بنزين سوبر… بالأملية يعني…”

سؤال: “بدكن شي من هون؟”
جواب: “إيه، بدي منك إنو تضل مطرحك، ونحنا ناقلين لعندك.”

سؤال: “بدكن شي من هون؟”
جواب: “بدنا شي مكينة بتركب بالدينة تبع الطرشان، لأنه شكلو ما حدا سامع صوت ناقوس الخطر من المسؤلين. أصلاً ما حدا شكلو سامع شي. وبتعرف شو، على صحة السلامة، جيب معك ناقوس جديد، بركي هيدا يلي هون بضاعة مضروبة.”

سؤال: “بدكن شي من هون؟”
جواب: “بدنا الصرفة.”

Website Comments

  1. safi

    قال مرة كلب أخدو على باريس.. ما انبسط… أخدوا عا نيو يورك… ما انبسط… اخدوا ع هاواي… ما انبسط… اخدو ع ايطاليا…ما انبسط…جابوا عا لبنان… قاللن ولك ايه … اي هاي عيشة كلاب….لووووووو

Facebook Comments