صفقة الهواء

بدأت الأوساط الإعلامية في اليومين المنصرمين ترويج مقولة من “مصادر مطلعة وعلى مقربة من مراكز القرار” أن الأزمة الحكومية التي تتخبط بها البلاد “معقّدة”، وانها ستطول وذلك وسط توقعات أن الحكومة الجديدة لن تولد قبل ٣ أو ٤ اشهر.

وبذلك تكون “المصادر المطلعة” قد فازت بمسابقة “ما حزرت يا بهلي؟!” الشهرية التي تقيمها وكالة الأنباء الرسمية وذلك للمرة الألف على التوالي. فهؤلاء العباقرة (أي المصادر المطلعة) كانوا قد تنبأوا على مر السنين بهذا النوع من “الإكتشفات الأسطورية” واتحفوا بها الصحافة والرأي العام في كل مناسبة و خضة. فمثلاً كل فترة يكتشف “مصدر مطلع” (وكأنه اينشتاين العرب) أن البلد “على فوهة بركان”، أو أنه “يمر بمرحلة دقيقة وتاريخية” وهو “على مفترق خطر” وما أشبه ذلك من تحليلات عبقرية فعلاً.

ولك يا خالو، ما هو معروف إنو “الوضع معقد”! إنو بدها واحد (أو واحدة) “مقرب من مراكز القرار” ليخبرنا هيك خبرية؟ يعني نزال على الشارع وإسأل أبو سبيرو وبخبرك نفس الشي. ممكن إنو يزيد كم مسبة، بس الخبر هو ذاتو. قال “الوضع معقد”… ولك أكيد بدو يكون معقد! إنت شفت كم طايفة في؟ وبقلب كل طايفة كم حزب وحركة تصحيحية في؟ وكم واحد طامح ليصير وزير وكم واحد بدو يصير نايب ورئيس؟ وبخصوص صفة ال-“مقرب من مراكز القرار”، خليني خبرك شغلة؛ هون عنا لا في مراكز، ولا في قرار. ما هو لو في “قرار” كانوا بيجوا يخيمو عنا وزراء خارجية اجانب وملوك وأمراء كل ما إنمغص البلد؟

وعلى فكرة، أهلاً وسهلاً بالوزيرين القطري والتركي. سنبعث لكم هدية ٣ كيلو كاجو للتجليس انتو وقاعدين عنا. لأنو صراحة، تجليس الكاجو سيكون أسهل بكثير من إيجاد حل للأزمة. وما تنسو تجربو تطلعو على فاريا وتعملوا سكي وتنزلو تتسبحو بنفس النهار وبفاصل خمس دقائق فقط، بس انتبهوا من “صفقة الهواء”. إيه خالو؟ يالله عافاكن!

Website Comments

  1. بشارة

    صفقة الهواء هيدي سببا الأساسي أكل الهواء المتواصل لدرجة التخمة.

  2. Adamus

    Hummus very true, thanks god i’ live in Cyprus instead of being close to hal bajam li 32ouloun ma7doude bas the problem is what would i do lama my visa get expired … help Hummus help ..

  3. phantomz

    a77777777777777 baradet
    jallast one cashew nut by the straight corner last night but it got eaten by the mammoth that is expected to be cloned in 5 years

  4. Youssef

    إن تجمع الاحزاب الوطنية و الديمقراطية و التقدمية و الملوخية يعلم المواطنين الكرام بأنه سوف يقوم غداً صباحاً ببروفة لمسرحية:
    “ومن الحب ما قتل- ذهب الوطن مع الريح الجزء ٣٤٠٧”
    وسوف يتخلل التمارين بعض الدبكات وحرق أعصاب لبعض المواطنين لذا يرجى الحيطة والحذر و الأمل الضائع و التوجه إلى أقرب مصدر فيزا. شكراً جداً جزيلاً

    P.S: Repeated post, the previous article I think is an old one

  5. samir

    اي ما كلو بهلبلد اكل هوا وتعبت الب لك موتو الشعب من ورا اكل الهوا تبعن

  6. Hoda

    انا برايي المتواضع (عم فنص لا متواضع ولاشي )انو لازم القطري يجلس كاجو والتركي يرجع يطعوجن لانو نحنا بجمهورية الحمص المطعوجة اصلا ما منقبل يكون عنا شي جالس او واقف (بلا معنى).

  7. Morry

    هههههههه زياد للحرب الأهلية1 و جمهورية الحمص للحرب الأهلية2 !!

  8. قطرميز

    بعد قصص المصدر المطلع اهون من قصص المحلل الاسترتيجي او المحلل الناقد العسكري او الخبير في الشؤون الاستراتيجية او الباحث في ما بعرف شو ولك انا بدي افهم مين بيعطيهم هلألقاب و عا ايا اساس . انا مثلاً خبير في الشؤون الاسترتيجية الامنية للحمص حدا في يشارعني بالموضوع ؟؟؟؟ هااا؟ ؟ حر . لو سمحت سيد حمص شي مقال معتبر عن هيدا الموضوع .ولك كاسك يا وطني … و قطرميزكن

Facebook Comments